رایزنی مقامات پاکستان و تاجیکستان درباره افغانستان

خبرگزاری دید: شریف‌زاده یوسف تور، سفیر جمهوری تاجیکستان، با خواجه محمد آصف وزیر دفاع پاکستان در مورد افغانستان تبادل نظر کرده است.

به نقل از اردو پونت، در این دیدار موضوعات مربوط به همکاری‌های دوجانبه دفاعی و اقتصادی به بحث و بررسی گرفته شده است.

وزیر دفاع پاکستان بر تعهد این کشور به حل و فصل مسالمت‌آمیز مسایل مهم منطقه‌ای تاکید کرده و از تلاش‌های تاجیکستان در ارتقای صلح و ارتباط اقتصادی در منطقه قدردانی کرده است.

سفیر تاجیکستان نیز بر روابط برادرانه بین مردم دو کشور تاکید کرده است.
علاوه بر این، او به تعهد دولتش برای همکاری با پاکستان در زمینه‌های مختلف مورد علاقه، اطمینان داده است.