سفیر حکومت سرپرست در چین با معاون رئیس الوزرا دیدار کرد

خبرگزاری دید: بلال کریمی، سفیر حکومت سرپرست مقیم چین در دیدار با عبدالسلام حنفی، معاون اداری رییس‌الوزرا گفته که روی تقویت روابط کابل و بیجینگ به خصوص در بخش تجارتی تلاش می‌کنند که تاکنون نتیجه خوبی در پی داشته است.

کریمی افزوده که در سفارت افغانستان در بیجینگ خدمات کنسولی فعال بوده و به شهروندان افغانستان، تاجران و محصلین به‌گونه درست خدمات یادشده ارایه می‌شود.

در همین حال، معاون اداری رییس‌الوزرا از تلاش‌های مسئولین و کارمندان سفارت افغانستان مقیم چین ستایش کرده و افزوده که این تلاش‌ها باید تقویت شود.

او همچنان خواستار ارایه خدمات هرچه بیشتر و بهتر به شهروندان افغان مقیم چین از سوی سفارت حکومت سرپرست در بیجینگ شده است.