تعیینات جدید حکومت سرپرست در برخی ولایات
خبرگزاری دید: ذبیح‌الله مجاهد، سخنگوی حکومت سرپرست می‌گوید، بر اساس حکم ملا هبت‌الله آخوندزاده، تعیینات جدید در برخی از ولایت ها صورت گرفته است.
این تعیینات جدیدقرار ذیل می باشد:
۱- مفتی محمد ادریس انوری، معاون پیشین مقام ولایت پروان به حیث والی این ولایت
۲- مولوی محمد ابوالوفاء عثمانی، مشاور پیشین امنیتی وزارت امور داخله به حیث معاون مقام ولایت پروان
۳- مولوی قدرت‌الله امینی، والی پیشین ولایت پروان به حیث مشاور امنیتی وزارت امور داخله
۴- مولوی محمد نادر حقجو، معاون پیشین مقام ولایت سرپل به حیث معاون مقام ولایت تخار
۵- ملا خان محمد حقانی، معاون پیشین مقام ولایت تخار به حیث معاون مقام ولایت سرپل
۶- مولوی نیک محمد حذیفه، رییس پیشین استخبارات ولایت بامیان به حیث معاون مقام ولایت غور
۷- مولوی محمدالله براء، به حیث قوماندان امنیه ولایت پکتیکا
۸- شیخ محمد شریف حلیم، قوماندان امنیه پیشین ولایت پکتیکا به حیث رییس معارف ولایت ننگرهار
