رحمان در دیدار با پوتین: در ۴ هزار و ۵۰۰ مکتب در تاجیکستان زبان روسی تدریس می‌شود
خبرگزاری دید: ولادیمیر پوتین، رییس جمهور روسیه در دیدار با امامعلی رحمان رییس جمهور تاجیکستان گفته که ۷۲ معلم روسی در حال حاضر در مکتب‌های تاجیکستان کار می‌کنند و سال آینده تعداد آن‌ها به ۸۰ نفر افزایش می‌یابد.
به نقل از تاس، امامعلی رحمان رییس جمهور تاجیکستان در دیدار با ولادیمیر پوتین رهبر روسیه در سن‌پترزبورگ گفته است که زبان روسی در ۴ هزار و ۵۰۰ مکتب دوره متوسطه در تاجیکستان تدریس می‌شود.
وی گفته است: “در حدود ۴ هزار و ۵۰۰ مکتب متوسطه، خودمان زبان روسی را در موسسات آموزش می‌دهیم.”
وی افزوده که معلمان کافی در کشورش وجود دارند، اما باید کیفیت تدریس را بهبود بخشیم.
ولادیمیر پوتین نیز گفته که ۷۲ معلم روسی در حال حاضر در مکتب‌های تاجیکستان کار می‌کنند و سال آینده تعداد آن‌ها به ۸۰ نفر افزایش می‌یابد.
پوتین همچنین گفته است: “همکاری‌های امنیتی بین‌المللی با تاجیکستان، نزدیک‌ترین متحد ما، مبتنی بر اعتماد و به‌طور سازنده ادامه می‌یابد.”
روسای جمهور در مجتمع توچال ایگورا در نزدیکی سن‌پترزبورگ ملاقات کردند.
به گفته مقامات روسی، رهبران در مورد مهاجرت، همکاری در زمینه‌های سیاسی، اقتصادی، نظامی-تخنیکی و فرهنگی و انسانی تبادل نظر می‌کنند.
طرفین همچنین در مورد مسایل منطقه‌ای، به‌خصوص وضعیت افغانستان، بحث می‌کنند.
تاجیکستان قرار است در ۲۰۲۵ ریاست نشست‌های کشورهای مستقل مشترک‌المنافع را به‌دست گیرد.
