تاکید سرپرست وزارت اقتصاد بر تمرکز نهادهای بین‌المللی روی تطبیق پروژه‌های انکشافی

خبرگزاری دید: دین‌ محمد حنیف، وزیر اقتصاد حکومت سرپرست با روزا اوتونبایوا، نماینده دبیرکل سازمان ملل در افغانستان و اندریکا راتواته، معاون یوناما در کابل دیدار کرد.

وزارت اقتصاد حکومت سرپرست می‌گوید که در این دیدار دو طرف پیرامون تطبیق مؤثر و شفاف کمک‌های بشردوستانه در مطابقت به نیازمندی‌های اقتصادی و اولویت‌های انکشافی مردم گفت‌وگو کرده‌اند.

به گفته این وزارت، دین محمد حنیف، در این دیدار تأکید کرده که در سال روان میلادی تمرکز بیشتر نهادهای بین‌المللی باید روی تطبیق پروژه‌ها و فعالیت‌های انکشافی در کشور باشد تا سبب حل مشکلات معیشتی و کاهش میزان فقر و بیکاری شود.