خبرگزاری دید: ملا هبت‌الله رهبر حکومت‌سرپرست در حکمی تعیینات جدیدی را برای حکومت‌سرپرست اتخاذ کرده است. تعیینات جدید در رده‌های بالای حکومتی شامل تعیین والی، قوماندان امنیه و معین وزارت صورت گرفته است
بر اساس حکم شیخ هبت الله آخوندزاده، رهبر حکومت سرپرست افغانستان، تعیینات ذیل در چوکات حکومت سرپرست صورت گرفته است:
- مولوی عبیدالله امین‌زاده، والی پیشین تخار، به عنوان معین امور اجتماعی وزارت کار و امور اجتماعی منصوب شد.
- شیخ ضیاءالرحمن اریوبی، معین پیشین پلان و پالیسی وزارت معادن و پترولیم، به عنوان معین علمی وزارت تحصیلات عالی تعیین گردید.
- شیخ عبدالرحمن قانت، آمر پیشین نظارت د افغانستان بانک، به عنوان معین پلان و پالیسی وزارت معادن و پترولیم منصوب شد.
- مولوی سمیع‌الله حزب‌الله، قوماندان امنیه پیشین کندهار، به عنوان والی تخار تعیین گردید.
- مولوی عبدالاحد طالب، والی پیشین هلمند، به عنوان قوماندان امنیه کندهار منصوب شد.
- لطف‌الله خیرخواه، معین علمی پیشین وزارت تحصیلات عالی، به عنوان آمر نظارت د افغانستان بانک تعیین گردید.
این تعیینات به منظور بهبود کارایی و مدیریت در نهادهای مختلف حکومت سرپرست صورت گرفته است.