خبرگزاری دید: کاروان تیم ملی فوتبال زیر ۲۰ سال افغانستان، امروز شنبه (۱۷ جوزا)، برای شرکت در رقابت‌های قهرمانی فوتبال آسیای مرکزی (کافا) وارد شهر دوشنبه، پایتخت تاجیکستان شد.
این مسابقات از تاریخ ۲۰ جوزا (۱۰ جون) به میزبانی تاجیکستان آغاز می‌شود و شش تیم منطقه‌ای در آن حضور خواهند داشت.
تیم‌های ملی افغانستان، ایران، قرقیزستان، ازبیکستان، ترکمنستان و تاجیکستان در این رقابت‌ها برای کسب عنوان قهرمانی به مصاف یکدیگر می‌روند.
رقابت‌های کافا از مهم‌ترین رویدادهای فوتبالی در آسیای مرکزی به شمار می‌رود و فرصتی برای نمایش توانمندی‌های فوتبالیست‌های جوان منطقه فراهم می‌کند.