افزایش ۳۱ درصدی تجارت تاجیکستان و افغانستان
خبرگزاری دید: اداره ملی آمار ریاستجمهوری تاجیکستان، اعلام کرده که تجارت میان تاجیکستان و افغانستان در اوایل ۲۰۲۵ افزایش چشمگیری داشته و حجم تجارت دوجانبه در پنج ماه نخست سال به حدود ۴۰ میلیون دالر رسیده است؛ افزایشی برابر با ۳۱.۱ درصد نسبت به مدت مشابه در ۲۰۲۴.
تاجیکستان حدود ۳۲ میلیون دالر کالا به افغانستان صادر کرده است که ۸۰ درصد از کل حجم تجارت میان دو کشور را تشکیل میدهد.
واردات تاجیکستان از افغانستان حدود ۸ میلیون دالر بوده است.
برق همچنان بزرگترین کالای صادراتی تاجیکستان به افغانستان است. پس از آن، سیمنت، زغال سنگ، کودهای معدنی و انواع محصولات غذایی قرار دارند.
در مقابل، صادرات افغانستان به تاجیکستان شامل محصولات کشاورزی مانند انجیر، کشمش و پنبه، قالینهای سنتی و سنگهای قیمتی یا نیمهقیمتی است؛ کالاهایی که در بازار تاجیکستان محبوبیت فزایندهای یافتهاند.
افغانستان همچنان در میان ۱۰ مقصد برتر صادراتی تاجیکستان قرار دارد.