کابل و دوشنبه بهدنبال نظم تازه در مرزها
خبرگزاری دید: حکومتسرپرست در تازهترین تلاش برای گسترش روابط با آسیای میانه، هیأتی بلندپایه را به تاجیکستان فرستاد تا درباره مدیریت گذرگاههای مرزی و هماهنگی امنیتی با مقامات تاجیک رایزنی کند.
هیأتی از حکومت طالبان به ریاست محمداسماعیل غزنوی، والی حکومت در بدخشان، به تاجیکستان سفر کرده و با مقامات بلندپایه این کشور درباره تقویت نظم مرزی و گسترش همکاریهای امنیتی گفتگو کرده است.
در این سفر، عبدالمنان حسان، معاون نظامی پولیس مرزی حکومت سرپرست نیز حضور داشته است.
به گفته عبدالله عقاب، سخنگوی پولیس مرزی حکومت طالبان، اعضای هیأت در دیدار با مختار بدخشان، والی کوهستان تاجیکستان، معاون امنیت ملی مرزها و شماری از مقامهای امنیتی دوشنبه، بر ضرورت هماهنگی بیشتر در مدیریت گذرگاهها، بهبود فعالیت بنادر و ایجاد سازوکارهای مشترک امنیتی تأکید کردهاند.
این سفر در ادامه تلاشهای ماههای اخیر حکومت سرپرست برای نزدیکتر شدن به کشورهای آسیای میانه انجام شده است.
پیش از این نیز یوسف وفا، والی بلخ، به دوشنبه رفته و با مقامات تاجیکستانی دیدار کرده بود.
همزمان، یک هیأت بلندپایه از تاجیکستان نیز طی هفتههای گذشته وارد کابل شد و با مقامهای کابل از جمله امیرخان متقی، سرپرست وزارت خارجه حکومت طالبان، گفتگو کرد.
اعضای این هیأت شامل مقامهایی از وزارت خارجه، نهادهای امنیتی و ادارات کلیدی تاجیکستان بودند و محور گفتگوها گسترش همکاریهای سیاسی، اقتصادی و امنیتی اعلام شد.