خبرگزاری دید: طالبان فعالیت قنسولگری خاروغ را متوقف و سرقنسول افغانستان را برکنار کرد.
طالبان سرقنسول افغانستان در شهر خاروغ را برکنار و قنسولگری این شهر را عملاً تعطیل کردند. منابع آگاه اعلام کردهاند که نقیبالله دهقانزاده، دیپلمات دولت پیشین افغانستان که پس از روی کارآمدن طالبان با این گروه همکاری میکرد، از سوی وزارت خارجه طالبان کنار گذاشته شده است.
بر اساس این گزارشها، حکم پایان کار دهقانزاده از ۱۵ دسامبر ۲۰۲۵ صادر شده و وی مبلغی حدود ۱۲۰ هزار دالر به وزارت خارجه طالبان تحویل داده است.
دهقانزاده تلاش داشت بهعنوان سفیر افغانستان در تاجیکستان معرفی شود و جای ظاهر اغبر، سفیر دولت پیشین را بگیرد، اما این اقدام تاکنون از سوی دولت تاجیکستان به رسمیت شناخته نشده است.
دولت تاجیکستان هنوز طالبان را به رسمیت نشناخته و هیچیک از نمایندگان این گروه را در سفارت افغانستان در دوشنبه یا قنسولگری خاروغ نپذیرفته است.
این امر باعث شده فعالیتهای دیپلماتیک طالبان در خاک تاجیکستان با محدودیت جدی روبهرو باشد.
با وجود این تنشها، نشانههایی از گرمتر شدن محتاطانه روابط دیده شده است. در نوامبر ۲۰۲۵، یک هیئت بلندپایه تاجیکستان به کابل سفر کرده و با امیرخان متقی، سرپرست وزارت خارجه طالبان، و چند مقام ارشد دیگر دیدار کرد.
طالبان نیز تمایل خود برای گسترش همکاریهای سیاسی و اقتصادی با تاجیکستان را اعلام کردهاند، با این حال این روند همچنان شکننده و همراه با بیاعتمادی دوطرفه توصیف میشود.