خبرگزاری دید: وزارت امور خارجه تاجیکستان در پی کشته شدن یک زن جوان باردار در منطقه درواز بر اثر تیراندازیهای طالبان از خاک افغانستان، یادداشت اعتراضی رسمی به اداره طالبان فرستاد و خواستار رسیدگی جدی به این حادثه شد.
وزارت خارجه تاجیکستان اعلام کرد که در جریان درگیریهای شدید طالبان در ولایت بدخشان و تیراندازیهای پراکنده به خاک تاجیکستان، یک دختر ۲۰ ساله در منطقه درواز کشته شده است. این وزارتخانه با انتشار بیانیهای تأکید کرد که نقض حریم هوایی و آسیب به منازل مسکونی در این حادثه، غیرقابل قبول است و کابل باید مسوولیت آن را بپذیرد.
دفتر مطبوعاتی ریاستجمهوری تاجیکستان نیز مرگ این شهروند را تأیید کرده و امامعلی رحمان، رئیسجمهور تاجیکستان، با خانواده قربانی ابراز همدردی کرده است. رسانههای محلی گزارش دادهاند که تیراندازیهای پراکنده طالبان از خاک افغانستان، منجر به کشته شدن این زن جوان و ایجاد نگرانی در میان ساکنان مرزی شده است.
این حادثه تازهترین نمونه از تنشهای مرزی میان تاجیکستان و طالبان است که بارها به تبادل آتش و اعتراضهای رسمی انجامیده است.