۲۴۵ جریب زمین در بلخ دولتی تثبیت شد

خبرگزاری دید: وزارت عدلیه حکومت سرپرست اعلام کرده است که ۲۴۵ جریب زمین در ولایت بلخ دولتی تثبیت شده است.

این وزارت امروز سه شنبه، ۲۳ دلو، در خبرنامه‌ای گفته است که در نشست هیات فنی جلوگیری از غصب زمین در ولایت بلخ، پرونده‌های مربوط به ۲۰۷٫۵ جریب زمین در شمال شرق مرکز این ولایت و نیز ۳۷٫۷ جریب زمین در روستای “جنی‌تو” ولسوالی شولگره مربوط این ولایت، دولتی تثبیت شده است.

در خبرنامه آمده است: «هیئت تصمیم گرفت که پرونده‌های این زمین‌ها برای تصمیم‌گیری نهایی به کمیسیون مرکزی ارسال شوند.»

پیش از این نیز هیات جلوگیری از غصب زمین در ولایت بلخ ده‌ها جریب زمین را در بخش‌های از این ولایت دولتی تثبیت نموده است.