رایزنی روسای اتاقهای تجارت کابل و دوشنبه بر گسترش همکاریهای اقتصادی
خبرگزاری دید: روسای اتاقهای تجارت و سرمایهگذاری افغانستان و اتاق تجارت و صنایع تاجیکستان امروز چهارشنبه(۸ میزان) در دیدار آنلاین درباره گسترش روابط تجاری و همکاریهای اقتصادی میان بخش خصوصی دو کشور صحبت کردند.
بر اساس اعلام وزارت صنعت و تجارت حکومت طالبان، در این دیدار، کریم هاشمی، رئیس اتاق تجارت و سرمایهگذاری افغانستان، و فرهاد شاه رحمان علیزاده، رئیس اتاق تجارت و صنایع تاجیکستان، بر افزایش مبادلات تجاری، ایجاد ارتباط مستقیم میان تاجران و سرمایهگذاران و برگزاری برنامههای مشترک اقتصادی تاکید کردند.
در این دیدار، رئیس اتاق تجارت و سرمایهگذاری افغانستان از تاجران و سرمایهگذاران تاجیکستان برای شرکت در پنجمین نمایشگاه بینالمللی امام ابوحنیفه در کابل دعوت کرد. در مقابل، رئیس اتاق تجارت و صنایع تاجیکستان نیز از هیات افغانستان برای حضور در نمایشگاه تجارتی و صنعتی تاجیکستان در شهر دوشنبه دعوت کرده است.
دو طرف همچنین بر تبادل هیاتهای تجاری و تقویت همکاریهای پایدار میان بخش خصوصی افغانستان و تاجیکستان تاکید کردند.