خبرگزاری دید: امامعلی رحمان، رئیسجمهور تاجیکستان، در دیدار با ولادیمیر پوتین، رئیسجمهور روسیه، درباره وضعیت منطقه، تحولات افغانستان و راههای مقابله با تهدیدهای امنیتی تبادل نظر کرد.

طبق گزارش دفتر مطبوعاتی ریاستجمهوری تاجیکستان، دو طرف در این دیدار موضوعاتی چون تروریزم، افراطگرایی، تندروی، تهدیدهای سایبری و قاچاق مواد مخدر را بررسی کردند.
رهبران دو کشور همچنین بر هماهنگی و همکاری نهادهای امنیتی، دفاعی و انتظامی تاجیکستان و روسیه تاکید کردند.
پوتین پیش از این دیدار گفته بود که قصد دارد با همتای تاجیکستانیاش درباره وضعیت افغانستان و فعالیت پایگاه نظامی ۲۰۱ روسیه در تاجیکستان گفتوگو کند. او همچنین اعلام کرده بود که شماری از مقامهای وزارت دفاع روسیه برای بررسی مسایل همکاریهای نظامی به تاجیکستان سفر میکنند.