اخراج اجباری پناهجویان افغانستان؛ دبیرکل ملل متحد با رییس جمهور تاجیکستان صحبت کرد

خبرگزاری دید: رییس‌ جمهور تاجیکستان در تماس تیلفونی با دبیرکُل سازمان ملل در مورد وضعیت افغانستان صحبت کرده است. اخیراً تاجیکستان چندین پناهجوی افغانستانی را اخراج کرده است.

‏ریاست‌ جمهوری تاجیکستان اعلام کرده که امام‌علی رحمان در این گفت‌و‌گوی تیلفونی خواهان ادامه کمک‌های بشردوستانه جامعه جهانی به مردم افغانستان شده است.
رییس‌ جمهور تاجیکستان گفته است که جهان نباید مردم «رنج دیده» افغانستان را در شرایط سخت کنونی تنها بگذارد.
دفتر ریاست جمهوری تاجیکستان در اطلاعیه‌ای اظهارداشت که این کشور آمادگی دارد تا قابلیت‌های تدارکاتی خود را برای کمک به مردم افغانستان در اختیار جامعه جهانی قرار دهد.
این‌ اظهارات رییس‌ جمهور تاجیکستان در حالی‌ست که دولت این کشور همچنان پناهجویان افغانستان را اخراج می‌کند.
کمیساریای عالی سازمان ملل در امور پناهجویان در واکنش به اخراج اجباری پناهجویان کشور از تاجیکستان از دولت دوشنبه خواسته بود این روند را متوقف کند.
به نظر می‌رسد صحبت تیلفونی دیکر سازمان ملل متحد با رهبر تاجیکستان در جهت جلوگیری از اخراج اجباری پناهجویان افغانستان صورت گرفته است.