عبور شبه‌نظامیان از افغانستان به تاجیکستان؛ ٢ تروریست کشته شد
خبرگزاری دید: مقامات تاجیکستان اعلان کردند که مرزبانان این کشور ٢ تروریست را هنگام عبور غیرقانونی از افغانستان به این کشور کشته‌اند.
مقامات تاجیکستان اعلان کردند که روز گذشته نیروهای مرزی این کشور ٢ فرد مسلح را که می‌خواستند از افغانستان به طور غیرقانونی وارد تاجیکستان شوند از بین برد.
هیچ تلفاتی در میان پولیس تاجیکستان یا غیرنظامیان گزارش نشده است.
مقامات تاجیکستان گفته که دو تن از اعضای یک گروهک تروریستی بین‌المللی هنگام تلاش برای عبور غیرقانونی از مرز دولتی بین تاجیکستان و افغانستان کشته شدند.
بر بنیاد این گزارش، صبح روز چهارشنبه «دو عضو یک گروهک تروریستی بین‌المللی با هدف انجام فعالیت‌های تروریستی از مرز دولتی بین تاجیکستان و افغانستان عبور کردند».
این رویداد در ولسوالی ونج ولایت گورنو بدخشان رخ داده است.
کمیته امنیتی تاجیکستان تصریح کرده است: دو قبضه اسلحه کلاشینکف، دو قبضه کلت کمری، هشت نارنجک دستی، ١٢ جعبه گلوله، ١٩ بسته حاوی مواد منفجره، دو دستگاه ارتباطی ویژه و دو گوشی تیلفون همراه در محل کشف شد. تحقیقات جنایی در خصوص این رویداد آغاز شده و در حال حاضر جستجو برای همدستان آن‌ها جریان دارد.
گفتنی است که بر بنیاد گزارش‌ها افراطی‌های تاجیکستانی وارد افغانستان شده و به گروه تروریستی داعش پیوسته است.
