محافظان والی دایکندی مدیر ترافیک این ولایت را لت‌وکوب کردند

محافظان والی ولایت دایکندی، پس از یک مشاجره لفظی با رحمت‌الله خان، مدیر ترافیک این ولایت، وی را مورد لت‌وکوب قرار داده‌است.
به گزارش خبرگزاری دید، یک منبع که نخواست نامی از وی گرفته شود، در تماس تلفنی به خبرگزاری دید، گفت: روز گذشته محافظان معصومه مرادی، والی دایکندی، رحمت‌الله خان، مدیر ترافیک این ولایت را مورد لت‌وکوب قرار داده‌اند.
گفته می‌شود که رحمت‌الله خان در دفتر کاری‌اش از سوی محافظان مرادی لت‌وکوب شده‌است.
اما مسوول مطبوعاتی اداره ولایت از بروز این رویداد اظهار بی‌اطلاعی کرده‌است.
گفتنی است که در جریان هفته گذشته، شیما محمدی، منشی شورای ولایتی ولایت دایکندی نیز ادعا کرده بود که معاون این شورا، وی را لت‌وکوب کرده‌است.