خبرگزاری دید: وزارت خارجه تاجیکستان از برگزاری ششمین نشست نمایندگان ویژه کشورهای آسیای مرکزی و اتحادیه اروپا برای افغانستان در شهر دوشنبه خبر داد.
وزارت خارجه تاجیکستان در بیانیه‌ای اعلام کرده است که ششمین نشست نمایندگان و فرستادگان ویژه کشورهای آسیای مرکزی و اتحادیه اروپا برای افغانستان امروز چهارشنبه (۱۷ دلو) در شهر دوشنبه برگزار شده است.
بر بنیاد این بیانیه، اشتراک کنندگان در این نشست در مورد تحولات اجتماعی-اقتصادی و سیاسی در افغانستان و همچنین در مورد رویکردهای کشورهای آسیای مرکزی و اتحادیه اروپا برای کمک به افغانستان تبادل نظر کرده اند.
در این نشست همچنان بر وضعیت حقوق بشر، به‌ویژه حقوق زنان و دختران در افغانستان و چالش‌ها و تهدیدات امنیتی رایزنی شده است.