تیم ملی فوتسال افغانستان از سد ازبیکستان گذشت

خبرگزاری دید: تیم ملی فوتسال افغانستان با نتیجه ۴-۳ از سد ازبیکستان در جام ملت‌های فوتسال آسیا گذشت.

این بازی ساعت ۴:۳۰ دقیقه‌ عصر امروز دوشنبه (۲ اسد) در جمنازیوم فوتسال شهر دوشنبه تاجیکستان برگزار شد.

افغانستان با این پیروزی، به دومین پیروزی متوالی خود در جام فوتسال کافا دست یافته است.

ملی‌پوشان فوتسال کشور دیروز و در اولین بازی خود، تیم قیرقیزستان را پنج بر چهار شکست داده بود.

مسابقات جام فوتسال مرکز آسیا با میزبانی تاجیکستان و حضور تیم‌های ملی فوتسال افغانستان، ایران، ترکمنستان، قرقیزستان و ازبیکستان دیروز آغاز شد.