کارشناسان ازبیکستان و پاکستان روی افغانستان بحث کردند
کارشناسان ازبیکستان و پاکستان نشست بین‌المللی را تحت عنوان «تلاش‌های ازبیکستان و پاکستان برای حل اوضاع افغانستان: دورنمای همکاری‌های متقابل سودمند» برگزار کردند.
کارشناسان ازبیکستان و پاکستان نشست بین‌المللی را تحت عنوان «تلاش‌های ازبیکستان و پاکستان برای حل اوضاع افغانستان: دورنمای همکاری‌های متقابل سودمند» برگزار کردند.
به نقل از ترند، نشست بین‌المللی در مورد افغانستان از سوی انستیتوت مطالعات استراتژیک و منطقه‌ای ازبیکستان و مرکز مطالعات استراتژیک و جهانی پاکستان با حضور سیاسیون، نمایندگان، تحلیل‌گران و کارشناسان ازبیکستان و پاکستان به تازگی برگزار شده است.
موضوع این نشست نقش ازبیکستان و پاکستان در حل بحران افغانستان خوانده شده است.
طبق این گزارش، اشتراک کنندگان در مورد جزئیات احیای اقتصاد افغانستان، دورنمای تطبیق پروژه‌های مشترک برای توسعه همکاری‌های فرامنطقه‌ای بین آسیای جنوبی و مرکزی بحث و تبادل نظر کردند.
این گفت‌وگوها در حالی صورت می‌گیرد که انتظار می‌رود با آغاز گفت‌وگوهای میان‌افغانی، جنگ در افغانستان خاتمه یابد.
